“EKO BOG‘” BARPO ETILDI

Dunyoning yashillikka burkangani yaxshi. Nafas olayotgan havomiz toza va musaffo bo‘ladi, ekologiyamiz sofligi ta’minlanadi. Harakatlarimiz, tashabbuslarimiz esa bizni yaratuvchanlikka boshlamoqdaki, kelgusi avlodlar biz yaratgan bog‘lardan bahra olib, munosib avlod bo‘lishga intilishlari shubhasiz.
Joriy — “Atrof-muhitni asrash va “yashil” iqtisodiyot yili”da “EKOSAN” xalqaro xayriya jamoat fondining viloyat hududiy tashkiloti oldida ham katta masʼulyat va vazifalar o‘rin olgan. Har bir fuqaro, har bir yosh ona tabiatni asrashga, uni kelajak avlodga yetkazishga birdek masʼuliyat hissini tuyishayotir. Atrof-muhitni asrashda kamarbasta bo‘lishga tayyor.
Oltinsoy tumanidagi 56-sonli umumtʼalim maktabi hududida “Eko bog‘” barpo etilgani esa ayni fikrlarning amaldagi isbotidir.