Treningga start berildi

Ijtimoiy himoya milliy agentligining asosiy maqsad va yo‘nalishlaridan biri ehtiyojmand aholi qatlamini og‘ir ijtimoiy vaziyatdan chiqarish, ularga bu borada har tomonlama ko‘mak berib, ijtimoiylashuvini ta’minlashdir. Shunga asosan, kuni kecha Termiz tumanidagi Sh.Rashidov, “Bunyodkor”, “Guliston” mahallarida “Farovon oila” treninglariga start berildi.
Mazkur seminar-treninglarda mahallalardagi ijtimoiy himoyaga muhtoj oila vakillari ishtirok etishdi. Ularga “Inson” ijtimoiy xizmatlar markazlarining malakali psixologlari tomonidan darslar o‘tildi. Mashg‘ulotlar davomida fuqarolarning kambag‘allik tushunchasi, uning oqibatlari va oila aʼzolariga ko‘rsatadigan salbiy taʼsiri, oilalarni qo‘llab-quvvatlash mezonlari va ko‘rsatiladigan xizmatlar borasidagi bilim-ko‘nikmalari oshirildi.