Janubi-g‘arbiy maxsus harbiy okrug tasarrufidagi Termiz garnizonida joylashgan harbiy qismda Angor tumanidagi alohida taʻlim ehtiyojlari boʻlgan koʻzi ojiz bolalar uchun ixtisoslashtirilgan “Nurli maskan” maktab-internati o‘quvchilari uchun “Ochiq eshiklar” kuni o‘tkazildi.
Qurolli Kuchlarimiz tashkil etilganligining 33 yilligi munosabati bilan “Yangi O‘zbekiston armiyasi — mamlakat tayanchi, xalqimiz faxri!” shiori ostida boshlangan “Vatanparvarlik” oyligi doirasida bo‘lib o‘tgan tadbir qiziqarli lahzalarga boy bo‘ldi.
Uchrashuvda Vatanimiz tinchligi, yurtimiz osoyishtaligi va yosh avlod baxt-u kamoloti uchun olib borilayotgan islohotlar alohida ta’kidlandi. Tadbirda harbiy orkestr jamoasining Vatanni tarannum etuvchi kuy-qo‘shiqlari, faxriy qorovul hamda qo‘l jangi ustalarining ko‘rgazmali chiqishlari yoshlarga bir olam quvonch bag‘ishladi. O‘quvchilarga harbiy qism qo‘mondonligining esdalik sovg‘alari topshirildi.
