Yosh avlodga e’tibor va g‘amxo‘rlik ko‘rsatish, ularning bilim olishi uchun zarur sharoit yaratish ezgu tashabbuslarning muhim yo‘nalishlaridan biridir.
«O‘zbekgidroenergo» AJ «To‘palang GES» filiali direktori A. Ulug‘ov tashabbusi bilan Sariosiyo tumanidagi 74 ta umumta’lim maktabi kutubxonalariga 100 dona badiiy va darslik kitoblari taqdim etildi.
Shuningdek, 12 nafar iqtidorli o‘quvchiga maktab sumkasi va zarur o‘quv qurollari topshirildi.
Mazkur tashabbus o‘quvchilarning kitobxonlikka qiziqishini oshirish, bilim olishga intilishini qo‘llab-quvvatlash hamda ta’lim uchun munosib sharoit yaratishga xizmat qiladi.
