Mustaqilligimizning 35 yilligi arafasida Sherobod tumanida aholi uchun muhim bo‘lgan yirik infratuzilma loyihalari amalga oshirilmoqda.
Tuman markaziga olib boruvchi Mustaqillik ko‘chasining 0–6-kilometr qismi rekonstruksiya qilinib, yangi ko‘prik foydalanishga topshirildi.
Zamonaviy talablar asosida yangilangan yo‘l va ko‘prik tuman aholisi hamda hududga tashrif buyuruvchi mehmonlar uchun qulay va xavfsiz harakatlanish imkonini beradi.
Obyektlarning tantanali ochilish marosimida Surxondaryo viloyati hokimi Ulug‘bek Qosimov ishtirok etib, yurtdoshlarimizni Mustaqillik bayramining 35 yilligi bilan tabrikladi.
Mazkur yo‘l va ko‘prikning foydalanishga topshirilishi ko‘p yillar davomida aholini qiynab kelgan muhim muammolardan birini bartaraf etib, hudud infratuzilmasini yanada yaxshilashga xizmat qiladi.
