Muzrabot tumani Oriyat mahallasidagi 8-son maktabgacha ta’lim tashkilotida rekonstruksiya ishlari yakuniy bosqichga yetkazildi.
Loyiha doirasida bog‘cha hududida 100 o‘rinli yangi qo‘shimcha bino bunyod etilmoqda. Mazkur loyiha uchun 3 milliard 762 million so‘m mablag‘ ajratilgan.
Tuman hokimi Abdulla Mamatqulov obyektga tashrif buyurib, qurilish-ta’mirlash ishlarining borishi, binoning foydalanishga tayyorgarligi va bajarilayotgan ishlar sifatini o‘rgandi.
O‘rganish davomida yangi binoni 1-sentyabrga qadar foydalanishga topshirish masalasiga alohida e’tibor qaratildi. Mas’ullarga qolgan ishlarni belgilangan muddatda va sifatli yakunlash, aniqlangan kamchiliklarni bartaraf etish uchun 3 kunlik muddat belgilandi.
