Termiz shahridagi “Surxon arena” sport majmuasida yoshlar o‘rtasida “Besh tashabbus olimpiadasi” doirasida gandbol bo‘yicha qizlar o‘rtasida viloyat bosqichi bo‘lib o‘tdi.
Unda 17–30 yosh toifasidagi tuman va shahar bosqichlarida g‘oliblikni qo‘lga kiritgan eng sara jamoalar ishtirok etdi. Qizg‘in va murosasiz kechgan bahslarda ishtirokchilar chaqqonlik, jismoniy tayyorgarlik va jamoaviy o‘yin mahoratini namoyish etdilar.
Musobaqa yakunida:
1-o‘rin — Qumqo‘rg‘on tumani, “Navbahor” mahallasi jamoasi;
2-o‘rin — Jarqo‘rg‘on tumani, “Zartepa” mahallasi jamoasi;
3-o‘rin — Denov tumani, “Shamoli” mahallasi jamoasi.
G‘olib va sovrindor jamoalar munosib taqdirlandi.
Mazkur musobaqa yoshlar, xususan, qizlar o‘rtasida gandbolni ommalashtirish, iqtidorli sportchilarni aniqlash va ularning mahoratini yuksaltirishga xizmat qilmoqda.
