Yo‘l harakati qoidalarini buzishga oid ma’muriy ishlarni rasmiylashtirish va ko‘rib chiqish tartibi tubdan yangilanishi kutilmoqda.
Yangi yo‘riqnoma loyihasiga ko‘ra, bunday ishlar elektron shaklda yuritilib, hujjatlar hamda dalillar sudlarga elektron ko‘rinishda yuboriladi. Fuqarolar murojaatlarini istalgan hududiy markazda topshirishi mumkin bo‘ladi.
Shuningdek, xizmatlarni “yagona darcha” va “open space” tamoyillari asosida ko‘rsatish, qoidabuzarliklarni planshetlar orqali rasmiylashtirish, elektron bayonnomalarni grafik imzo yoki barmoq izi bilan tasdiqlash hamda qaror va xabarnomalarni SMS, mobil ilova va shaxsiy kabinet orqali yuborish nazarda tutilmoqda.
Yangi tartib ma’muriy ish yuritishni soddalashtirish, tezlashtirish va shaffofligini oshirishga qaratilgan.
