Ta’lim sifati faqat nazariy bilim bilan emas, balki zamonaviy jihozlar va amaliy mashg‘ulotlar uchun yaratilgan sharoit bilan ham belgilanadi. O‘quvchilarning bilim va ko‘nikmalarini mustahkamlashda maxsus xonalar hamda ulardagi zarur vositalar muhim ahamiyat kasb etadi.
Shu maqsadda Oltinsoy tumanidagi 71 ta umumta’lim maktabining CHYOT xonalari uchun 17 turdagi zamonaviy jihozlar topshirildi. Mazkur jihozlar xonalarning moddiy-texnik bazasini mustahkamlash, mashg‘ulotlarni samarali tashkil etish va o‘quvchilarga yanada sifatli ta’lim berish imkoniyatlarini kengaytirishga xizmat qiladi.
Bu kabi amaliy qo‘llab-quvvatlash ta’lim jarayonining samaradorligini oshirish, yoshlarning bilimini mustahkamlash va ularni hayotiy ko‘nikmalarga ega etishda muhim omil bo‘lib xizmat qiladi.
