1-iyuldan boshlab vaqtincha mehnatga layoqatsizlik nafaqasi yangi tartib asosida to‘lanadi.
Endilikda kasallikning dastlabki 5 kuni uchun to‘lovlar ish beruvchi tomonidan amalga oshiriladi. 6-kundan boshlab esa nafaqa Davlat ijtimoiy sug‘urta jamg‘armasi hisobidan qoplanadi.
Shuningdek, sug‘urta stajiga qarab to‘lov miqdori ham belgilanadi: 6 oydan 8 yilgacha stajga ega xodimlar o‘rtacha ish haqining 60 foizini, 8 yildan ortiq stajga ega bo‘lganlar esa 80 foizini oladi.
Avvalgi tartibdan farqli ravishda, barcha xarajatlar to‘liq ish beruvchi zimmasida emas. Yangi tizim davlat va ish beruvchi o‘rtasida moliyaviy yukni taqsimlash hamda xodimlar ijtimoiy himoyasini kuchaytirishga qaratilgan.
