Global axborot makonida yuz berayotgan shiddatli o‘zgarishlar, ijtimoiy tarmoqlar va sun’iy intellekt texnologiyalarining jadal rivojlanishi, shuningdek, feyk xabarlar oqimining ortib borayotgani media sohasi vakillaridan yangicha yondashuv, zamonaviy ko‘nikma va yuqori mas’uliyatni talab etmoqda.
Ana shu dolzarb ehtiyojlardan kelib chiqib, respublikamizda jurnalistlar, blogerlar hamda matbuot kotiblarini yagona platformada birlashtiruvchi yilning eng yirik ta’limiy-amaliy loyihasi — “Media haftalik” Surxondaryo viloyatida o‘z ishini boshladi.
Mazkur loyiha doirasida ishtirokchilar uchun zamonaviy media muhitda ishlash, axborot xavfsizligi, feyk xabarlarni aniqlash, kontent yaratish va sun’iy intellektdan samarali foydalanish bo‘yicha amaliy mashg‘ulotlar va treninglar tashkil etildi.
