Termiz davlat universitetida ta’lim sifati va xalqaro hamkorlik izchil rivojlanmoqda. Xususan, O‘zbek filologiyasi fakultetida Hoji Bayram Vali universiteti professorlari Zaynabidin Abdirashidov va Vali Savash Yelok magistrantlarga “Jadid adabiyoti tarixi” fanidan zamonaviy metodlar asosida dars bermoqda.
Mashg‘ulotlar davomida talabalar nafaqat nazariy bilim, balki ilmiy faoliyat va xalqaro imkoniyatlar — grantlar, ilmiy maqolalar chop etish, konferensiyalarda qatnashish hamda xorijiy almashinuv dasturlari haqida ham muhim ma’lumotlarga ega bo‘lmoqda.
Mazkur hamkorlik talabalar bilim salohiyatini oshirish, ularni xalqaro ilmiy maydonga olib chiqish va zamonaviy ta’lim sifatini ta’minlashda muhim ahamiyat kasb etadi.
