Yoshlar o‘rtasida harbiy-vatanparvarlik ruhini mustahkamlash, jismoniy tayyorgarlik va jamoaviylikni rivojlantirish bugungi kunning dolzarb vazifalaridan biridir. Shu maqsadda Surxondaryo viloyatida o‘tkazilgan “Janub qalqonlari” harbiy-sport musobaqasi yoshlar uchun muhim sinov maydoniga aylandi.
Musobaqada Termiz davlat universiteti sharafini himoya qilgan “Qalqon” jamoasi yuqori natija ko‘rsatib, yana bir bor o‘z ustunligini namoyish etdi. Jamoalar kamondan otish, harbiy estafeta, AK-74 avtomatini qismlarga ajratish va yig‘ish, arqon tortish hamda tosh ko‘tarish kabi shartlar bo‘yicha kuch sinashdi.
Yakuniy natijalarga ko‘ra, “Qalqon” jamoasi faxrli 1-o‘rinni egalladi. Ushbu g‘alaba yoshlarning harbiy tayyorgarligi, intizomi va vatanparvarlik ruhini yuksaltirishda muhim ahamiyat kasb etadi.
