Sho‘rchi tumanidagi “Kakan” mahallasida “yettilik” faoliyatini samarali tashkil etish, aholiga qulay sharoit yaratish maqsadida hashar yo‘li bilan mahalla idorasi ta’mirlanib, foydalanishga topshirildi.
Ta’kidlash joizki, mahalla ahli, faollar va yoshlar bir yoqadan bosh chiqarib, hashar tadbirida faol ishtirok etishdi. Qisqa muddat ichida binoda ta’mirlash ishlari amalga oshirilib, mahalla faoliyatini samarali tashkil etish uchun barcha sharoitlar yaratildi.
— Yangi ta’mirlangan mahalla idorasi “yettilik” faoliyatini samarali tashkil etishga xizmat qiladi, -deydi mahalla raisi Nurmuhammad Nazarov. -Bu yerda fuqarolar bilan uchrashuvlar, murojaatlarni qabul qilish va turli tadbirlarni o‘tkazish uchun qulay sharoitlar yaratilgan.
Albatta, hashar xalqimizni birlashtiradigan, ahillikni mustahkamlaydigan qadriyatlarimizdan biridir. Mahallani ochilish marosimida iftorlik tadbiri ham tashkil etildi.
