Sariosiyo tumani, Mirzo Ulug‘bek mahallasida “Sariosiyo city” turar joy massivi qurilishi davom etmoqda. Tuman hokimi loyiha doirasida amalga oshirilayotgan ishlarning bosqichlari, qurilish sifati, texnik nazorat tizimi hamda belgilangan rejalar ijrosini shaxsan nazoratiga olgani uchun ham belgilangan hudud katta qurilish maydoniga aylangan.
Mazkur hududda 9 qavatli 4 ta ko‘p qavatli uy-joy qurilishi rejalashtirilgan bo‘lib, ayni paytda ishlar belgilangan jadval asosida davom ettirilmoqda. Shuningdek, mutasaddilar obyektlarda qurilish-montaj ishlarini sifatli va o‘z vaqtida yakunlash, amaldagi texnik meyor va talablarga qat’iy rioya etish hamda doimiy nazoratni kuchaytirish yuzasidan o‘z vazifalarini bajarishayotir.
