Muborak Ramazon oyi munosabati bilan Boysun tumanidagi dehqon (oziq-ovqat) bozorida aholi uchun arzonlashtirilgan oziq-ovqat mahsulotlari yarmarkasi tashkil etildi. Ushbu tashabbus Ramazon oyida aholining kundalik ehtiyojlarini maqbul narxlarda ta’minlashga qaratilgan muhim ijtimoiy ahamiyatga ega.
Tuman hokimi Boxadir Shukurov yarmarka faoliyati bilan tanishib, savdoni yanada faollashtirish, narxlar barqarorligini saqlash hamda bozorda qulay va tartibli savdo muhitini ta’minlash bo‘yicha mas’ullarga aniq topshiriqlar berdi.
Ushbu chora-tadbirlar Ramazon oyida shukronalik, saxovat va xalq manfaatlarini ustuvor qo‘yish tamoyillarini amalda ro‘yobga chiqarishga xizmat qilmoqda.
