Aniq va ijtimoiy fanlar universiteti tomonidan o‘tkazilgan AIFU matematika olimpiadasining respublika bosqichida Surxondaryo viloyati o‘quvchilari yuqori natijalarni qo‘lga kiritib, viloyatimiz ta’lim salohiyatini yana bir bor namoyon etdilar.
Termiz shahridagi 14-maktab o‘quvchisi Anvarov Javohir olimpiadada 1-o‘rinni egallab, 3 400 000 so‘m pul mukofoti va 100 foiz grant sohibiga aylandi. Shuningdek, ushbu maktabning yana bir o‘quvchisi O‘ralov Elshod 2-o‘rinni qo‘lga kiritib, 2 900 000 so‘m pul mukofoti hamda 50 foiz grant bilan taqdirlandi.
Mazkur yutuqlar yoshlarimizning aniq fanlarga bo‘lgan qiziqishi, puxta bilim va izchil mehnati samarasi bo‘lib, Surxondaryoda ta’lim sifati va iqtidorli o‘quvchilar salohiyati tobora yuksalayotganidan dalolat beradi.
