Prezidentimiz tomonidan O‘zbekistonning xorijiy davlatlardagi elchilariga hududlar hokimlari bilan hamkorlikda investitsiyalarni jalb etish, yangi istiqbolli loyihalarni yo‘lga qo‘yish, eksport salohiyatini kengaytirish hamda boshqa muhim yo‘nalishlar bo‘yicha aniq vazifalar belgilab berilgaidan xabaringiz bor. Mazkur vazifalar ijrosi doirasida Surxondaryo viloyati hokimi Ulug‘bek Qosimov va O‘zbekiston Respublikasining Afg‘onistondagi Favqulodda va Muxtor Elchisi Oybek Usmonov o‘rtasida uchrashuv bo‘lib o‘tdi.
Uchrashuvda o‘zaro hamkorlikni yanada rivojlantirish, savdo-iqtisodiy aloqalarni mustahkamlash, investitsiya hamda eksport imkoniyatlarini kengaytirish masalalari yuzasidan atroflicha fikr almashildi.
