Termiz shahridagi Gimnastika sport turlariga ixtisoslashtirilgan sport maktabida sport gimnastikasi bo‘yicha yoshlar o‘rtasida viloyat chempionati bo‘lib o‘tdi. Musobaqa viloyatda sport gimnastikasini yanada rivojlantirish, yosh va iqtidorli sportchilarni aniqlash hamda ularning sport mahoratini oshirish maqsadida tashkil etildi.
Chempionatda viloyatning shahar va tumanlaridan tashrif buyurgan yosh gimnastikachilar ishtirok etib, o‘zaro kuch sinashdilar. Musobaqa yuqori saviyada, adolatli va raqobatbardosh tarzda tashkil etildi. Yakunda eng yaxshi natija ko‘rsatgan sportchilar g‘olib va sovrindor sifatida diplom hamda esdalik sovg‘alari bilan taqdirlandilar.
