Surxondaryo viloyati hududidan o‘tuvchi M39 va M41 xalqaro avtomobil yo‘llarida qoidabuzarlikni aniqlovchi zamonaviy kameralar ishga tushirildi. Endilikda ushbu qurilmalar xavfsizlik kamari bilan jihozlangan transport vositalari haydovchilarining harakat davomida kamar taqmagan holatlarini avtomatik tarzda aniqlaydi.
Mazkur kameralar Termiz, Boysun, Denov, Qumqo‘rg‘on va Jarqo‘rg‘on tumanlari orqali o‘tuvchi yo‘llarda o‘rnatilgan. Haydovchilardan yo‘l harakati qoidalariga qat’iy rioya qilish so‘raladi. Xavfsizlik kamari — hayot garovi!
