“Migratsion profilaktika” oyligi doirasida Muzrabot tumani IIB JXX HPB profilaktika inspektorlari tomonidan aholi o‘rtasida mehnat migratsiyasi qoidalari hamda qonuniy tartib-taomillarga oid keng qamrovli tushuntirish ishlari olib borildi.
Tadbir davomida fuqarolarga xorijiy davlatlarda mavjud mehnat imkoniyatlari, ularning qonuniy yo‘llari, shuningdek, mehnat migratsiyasi bilan bog‘liq ehtimoliy xavf-xatarlar haqida batafsil ma’lumotlar berildi.
Shuningdek, chet elda mehnat faoliyatini amalga oshirish jarayonida yuzaga kelishi mumkin bo‘lgan muammolar, fuqarolarning huquq va majburiyatlari, O‘zbekiston Respublikasi fuqarolarining huquq va manfaatlarini himoya qilish mexanizmlari yuzasidan tushuntirishlar berildi.
Bundan tashqari, favqulodda holatlar yoki mehnat nizolari kelib chiqqan taqdirda murojaat qilish tartibi izohlanib, fuqarolarga mazkur mavzuda eslatma bukletlari va flayerlar tarqatildi.
