Muzrabot tumani markazida “Soliha Malak shifo” MChJga qarashli LOR klinikasi o‘z faoliyatini boshladi. Mazkur tibbiyot muassasasini ta’mirlash va jihozlash ishlariga 300 million so‘m mablag‘ sarflanib, klinika zamonaviy LOR kombayni, endoskop, avtoklav hamda boshqa ilg‘or tibbiy uskunalar bilan ta’minlandi.
Klinikaning ochilish marosimida tuman hokimligi mas’ul xodimlari, mutasaddi tashkilotlar vakillari, tibbiyot xodimlari hamda nuroniy otaxon-u onaxonlar ishtirok etdilar. Tadbir davomida yig‘ilganlar otorinolaringolog shifokor Niyozov Bexruzning kelgusidagi faoliyatiga muvaffaqiyat tiladilar.
