Termiz davlat muhandislik va agrotexnologiyalar universitetida yoshlar intiqilik bilan kutgan “Student Party” festivali bo‘lib o‘tdi. Tadbir doirasida talabalar tomonidan yaratilgan startap loyihalar va ilmiy ishlanmalar ko‘rgazmada taqdim etildi. Ushbu ko‘rgazmadagi innovatsion g‘oyalar va zamonaviy texnologiyalar ishtirokchilarda katta qiziqish uyg‘otdi.
Festivalning asosiy qismida universitetning “Milliy navo” ansambli ijrosidagi kuy-qo‘shiqlar, QVZ jamoasi ishtirokida “Kulgu time”, shuningdek, “Marvarid” guruhi ijrosidagi kontsert va eksklyuziv shou ishtirokchilarga yorqin taassurotlar taqdim etdi.
“Student Party” festivali talabalarga nafaqat ko‘ngilochar dam olish, balki o‘z iqtidorini namoyish etish, ilmiy va innovatsion g‘oyalarini taqdim qilish uchun ham munosib maydon bo‘lib xizmat qildi.
