O‘zbekistonda nodavlat notijorat tashkilotlariga tibbiyot va dorixona xizmatlari, shuningdek, chakana savdoda “sirli mijoz” usuli hamda nazorat xaridi tadbirlarini o‘tkazish huquqi berildi.
Vazirlar Mahkamasining yangi qaroriga ko‘ra, bu tadbirlar orqali xizmatlar sifati va qonun talablariga rioya etilishi xolis baholanadi. Jarayonlar qonuniylik, xolislik va maxfiylik tamoyillariga asoslanadi. Tahlil natijalari tegishli organlarga yuborilib, jamoatchilikka ma’lum qilinadi.
Mazkur tartiblar adolatli raqobatni rivojlantirish, iste’molchilar huquqlarini himoya qilish hamda NNTlar faoliyatini qo‘llab-quvvatlashga xizmat qiladi.
