“Investorlar kuni” tadbiri startap asoschilari, tadbirkorlar hamda investorlarni bir maydonda jamlab, yangi g‘oyalar almashinuvi va o‘zaro hamkorlikni rivojlantirishga xizmat qildi.
Tadbir doirasida innovatsion loyihalar taqdim etilib, istiqbolli tashabbuslarni qo‘llab-quvvatlash, investitsiyalarni jalb etish va biznes muhitini yanada takomillashtirish bo‘yicha amaliy kelishuvlarga erishildi.
Startup Pitch sessiyasida bir qator startap jamoalari o‘z loyihalarini namoyish etdilar. Tadbir yakunida loyihalar investitsiya olish huquqini qo‘lga kiritdi.
Ushbu tadbir Surxondaryo viloyatining innovatsion salohiyatini oshirish, yangi g‘oyalarni amaliyotga tatbiq etish va sarmoyaviy muhitni mustahkamlash yo‘lidagi muhim qadamlardan biri bo‘ldi.
