Respublikamiz bo‘ylab 15-oktyabrga qadar “Yong‘indan ogohlik” umummilliy kompaniyasi” oyligi doirasida profilaktik tadbirlar davom etmoqda. Bunda birinchi galda, talabalar yotoqxonalari, moslashtirilgan binolar, ijaraga olingan hovli uylar, kvartiralar va xostellarda yong‘in, havo-gaz aralashmasining chaqnashi va is gazidan zaharlanish hodisalarining oldini olishga qaratilgan tekshiruv va o‘rganishlarni olib borilayotir.
Har bir mahalladagi yakka tartibdagi va ko‘p kvartirali uylarda “xonadonbay” profilaktik ishlari tashkil etilgan. Ijtimoiy soha obyektlari va tadbirkorlik subyektlari ishchi-xodimlari, shuningdek, mahallalarda aholi bilan yong‘inlarning oldini olish va sodir bo‘lganda to‘g‘ri harakat qilish ko‘nikmalarini oshirishga qaratilgan mashg‘ulotlar qizg‘in tus olgan.
Tunda insonlar qoladigan maskanlar (mehribonlik, saxovat va muruvvat uylari, shifoxona va hokazo) hamda qurilish-ta’mirlash obyektlaridagi ishchilar uchun tashkil etilgan vaqtinchalik yotoq joylarida yong‘in xavfsizligini ta’minlash, havo-gaz aralashmasining chaqnashi va is gazidan zaharlanish hodisalarining oldi olinib, “Paxta-2025” yig‘im-terim mavsumida yong‘in xavfsizligini ta’minlash asosiy yo‘nalish qilib belgilab olingan.
Xusan Rustamov,
Termiz shahar FVB boshlig‘i o‘rinbosari
P va NB boshlig‘i kapitan
