Jarqo‘rg‘on tumanining “Polvonlar yurti” mahallasida fuqarolar, ayniqsa, yoshi ulug‘ nuroniylar va bolajonlarning xavfsiz harakatlanishini ta’minlash maqsadida piyodalar yo‘lakchasi qurilish ishlari bosqichma-bosqich amalga oshirilmoqda.
Mahalla faollari va nuroniylarning bevosita tashabbusi va ishtirokida olib borilayotgan ushbu ezgu ishlar mahalla infratuzilmasini yaxshilash, aholi turmush darajasini oshirishga xizmat qilmoqda.
Qurilish jarayonida zamonaviy qurilish materiallari qo‘llanilmoqda. Ayniqsa, yo‘lakchaning qulay va xavfsiz bo‘lishiga alohida e’tibor qaratilmoqda.Ushbu yo‘lakchalar nafaqat qulaylik yaratadi, balki mahalla qiyofasini yanada obod va zamonaviy ko‘rinishga keltirishga xizmat qiladi.
