O‘zbekiston Respublikasi Prezidentining 2025-yil 14-martdagi PQ-103-son qarori ijrosi doirasida Uzun tumanida xotin-qizlarni har tomonlama qo‘llab-quvvatlash, ularning iqtisodiy faolligini oshirish va ijtimoiy himoyasini kuchaytirishga qaratilgan chora-tadbirlar amalga oshirilmoqda.
Viloyat Oila va xotin-qizlar boshqarmasi hamda viloyat Xotin-qizlar tadbirkorlik markazi bilan hamkorlikda “Sayxunobod” tajribasi asosida tumanda issiqxona, tikuvchilik va bog‘dorchilik yo‘nalishlarida o‘quv kurslari tashkil etildi. Ushbu loyihalar doirasida jami 487 nafar xotin-qiz kasb-hunarga o‘qitilib, ularga maxsus sertifikatlar topshirildi. Mazkur tashabbus ayollar bandligini ta’minlash va ularning jamiyatdagi o‘rnini mustahkamlashga xizmat qilmoqda.
