Bandixon tumanidagi 9-sonli davlat maktabgacha ta’lim tashkilotida “Xayr, bog‘cha – salom, maktab” nomli bayram tadbiri bo‘lib o‘tdi. Maktabga yo‘l olayotgan bolajonlar ushbu quvonchli kunni ota-onalari, ustozlari hamda mehmonlar ishtirokida katta xursandchilik bilan nishonlashdi.
Tadbir davomida ular bog‘chada o‘rgangan kuy-qo‘shiqlar, raqslar, she’rlar bilan ishtirokchilarga yaxshi kayfiyat ulashishdi.
Tuman Maktabgacha va maktab ta’limi bo‘limi boshlig‘i hamda mutasaddilar tadbirda ishtirok etib, kichikintoylarni yangi bosqich — maktab hayoti bilan tabrikladilar. Bog‘chada namuna ko‘rsatgan bolajonlarga faxriy yorliqlar topshirildi.
Tadbir yakunida ota-onalar farzandlariga mehr va tarbiya bergan MTT jamoasiga samimiy minnatdorchilik bildirishdi.
