Surxondaryo viloyatida “Xavfsiz yo‘l – xavfsiz bolalik” tamoyili asosida tarbiyaviy va profilaktik faoliyatlar muntazam olib borilmoqda. 150 ta maktabgacha ta’lim tashkiloti zarur ko‘rgazmali qurollar bilan ta’minlangan bo‘lib, bolajonlarga yo‘l harakati xavfsizligi qoidalarini o‘rgatish bo‘yicha samarali ishlar yo‘lga qo‘yilgan. O‘g‘il-qizlarga harakat ishtirokchisi sifatida o‘zini qanday tutish kerakligi, svetofor ishoralari, piyodalar yo‘lagi, yo‘l belgilari amaliy vositalar orqali interaktiv tarzda tushuntirilmoqda.
Bu orqali bolalar yo‘l harakati madaniyatini bog‘cha yoshidan o‘zlashtiryapti, bu esa kelajakda sodir bo‘lishi mumkin bo‘lgan ko‘plab ko‘ngilsiz hodisalarning oldini olishga xizmat qiladi. Kichkintoylar harakat qoidalarini o‘yin orqali o‘rganmoqda — bu oson eslab qolish va hayotga tadbiq etishda juda samarali.
Ushbu tashabbus viloyatdagi barcha maktabgacha ta’lim tashkilotlarida bosqichma-bosqich joriy etiladi.
