Uzun tumanidagi “Yangi ro‘zg‘or” mahallasi o‘zining tabiiy go‘zalligi va uzumzorlari bilan mashhur. Mahallada voish usulida uzum yetishtirish an’analari saqlanib, deyarli har bir xonadonda shig‘il-shig‘il bo‘lib hosil bergan uzumzorlarga ko‘zingiz tushadi. Mahalla aholisi uy sharoitida tadbirkorlik bilan faol shug‘ullanadi, bu esa mahallaga yanada jonlilik va farovonlik bag‘ishlaydi.
Uzumzorlarning yashil qoplamasi orasida joylashgan bu maskan, nafaqat mehnatsevar xalqning jonajon maskani, balki tabiiy go‘zallikdan bahramand bo‘lish uchun ideal joy hisoblanadi. Har bir xonadon egalari o‘zining kichik biznesini rivojlantirish orqali mahallaning ijtimoiy va iqtisodiy hayotiga katta hissa qo‘shmoqda.
