Ijtimoiy himoya milliy agentligining viloyat boshqarmasi va tadbirkor o‘rtasida hamkorlik bitimi imzolanib, Denov tumanidagi “Buyuk kelajak” mahallasi zamonaviy va qulay shart-sharoitlarga ega kunduzgi parvarish markazi tashkil etildi. Mazkur maskanda nogironligi bo‘lgan bolalar uchun ijtimoiy, reabilitatsion, pedagogik va boshqa zarur xizmatlar ko‘rsatilmoqda. Bu orqali nafaqat bolalarning ijtimoiy hayotga moslashuvi ta’minlanmoqda, balki ularni doimiy parvarishga muhtoj bo‘lgan ota-onalar uchun ham bandlik imkoniyati yaratilmoqda.
Ko‘plab onalar va otalar farzandlariga munosib sharoitda parvarish ko‘rsatilayotganidan ko‘ngli to‘q holda o‘z kasbiga qaytmoqda, mehnat faoliyatini tiklamoqda. Bugungi kunda ushbu markazda 9 dan ortiq bola kunduzgi parvarish xizmati bilan qamrab olingan. Bugungi kunda ushbu loyiha viloyatimizning barcha tuman va shaharlarda ham yo‘lga qo‘yilgan.
