Uzun tumanida ishsiz xotin-qizlarning bandligini oshirish va ularga kasb-hunar ko‘nikmalarini berish maqsadida yangi qandolatchilik klasteri tashkil etildi. Tumandagi ushbu klasterda ishsiz ayollar uchun malakali o‘quv mashg‘ulotlari o‘tkazilmoqda.
O‘quv jarayonida qatnashayotgan xotin-qizlarga qandolatchilik sanoatining zamonaviy texnologiyalari, mahsulot tayyorlash sir-asrorlari o‘rgatilmoqda. Bu mashg‘ulotlar nafaqat amaliy bilimlar berib, balki ularning ishga joylashish imkoniyatlarini ham kengaytirmoqda.
