Uzun tumanida davlat-xususiy sheriklik asosida tashkil etilgan “NEUROMED” xususiy klinikasi foydalanishga topshirildi. Tadbirkor Shavkat Qurbonmurodov tashabbusi bilan amalga oshirilgan ushbu loyiha sobiq yuqumli kasalliklar kasalxonasi binosida, 3 tomonlama shartnoma asosida, 4 milliard 241 million so‘m mablag‘ evaziga hayotga tadbiq etildi.
Ochilish marosimida tuman hokimi Xabibulla Bozorov, hokim o‘rinbosarlari, nuroniylar hamda jamoatchilik vakillari ishtirok etdi. Zamonaviy talablarga javob beruvchi ushbu klinika kelgusida tuman aholisi uchun sifatli tibbiy va ijtimoiy xizmatlar ko‘rsatishga xizmat qilishi kutilmoqda.
