Umrimizning qay faslida, qay davrida bo‘lmaylik, munosib hordiq chiqarishni, dam olishni istaymiz. Ayniqsa, yurtimizning qadimiy shaharlari, butun dunyo bo‘ylab kezish imkonimiz borligi esa istaklarimizga mos javob bo‘la oladi. Istak bo‘lsa, sayohatga otlanaveramiz.
“Nuroniy” jamg‘armasining Termiz shahar bo‘limi hamda Termiz davlat muhandislik-agrotexnologiyalar universiteti tashabbusi bilan oliygohning faxriy o‘qituvchilari uchun Xorazm viloyatiga sayohat tashkil etildi.
Sayohat davomida ishtirokchilar qadimiy Xiva shahrining tarixiy obidalari va diqqatga sazovor maskanlarini tomosha qilib, ziyoratgoh joylarni ziyorat qildilar. Faxriylar ushbu safardan katta taassurotlar bilan qaytib, tashkiliy ishlar uchun minnatdorlik bildirib, duolar qilishdi.
