Uzun tumanidagi 4-sonli davlat maktabgacha ta’lim tashkilotida “Yozgi sog‘lomlashtirish davri — bolalar hayotida muhim davr” shiori ostida amaliy seminar tashkil etildi. Tadbirda tumandagi maktabgacha ta’lim tashkilotlari pedagoglari, metodistlar hamda soha mutaxassislari ishtirok etdi.
Seminarda yozgi davrda bolalarning salomatligini mustahkamlash, ularning bo‘sh vaqtini mazmunli tashkil etish, jismoniy faollikni oshirish va sog‘lom turmush tarzini shakllantirish masalalariga alohida e’tibor qaratildi. Ishtirokchilarga yozgi o‘yinlar, ochiq havoda mashg‘ulotlar va sog‘lom ovqatlanish bo‘yicha amaliy tavsiyalar ham berildi.
Mazkur seminar pedagoglar o‘rtasida tajriba almashish, innovatsion uslublarni joriy etish va bolalar uchun foydali yozgi muhit yaratishda muhim qadam bo‘ldi.
