Raqibi eng kuchlilar

Xitoyda Para Taekwondo sport turi boʻyicha “Asia Prezident Cup—2025” paralimpiya oʻyinlari bo‘lib o‘tdi. Ushbu muhim reyting ball beruvchi musobaqa qizg‘in va murosasiz bellashuvlarga boy o‘tdi.
Paralimpiya oʻyinlarida yurtimiz sharafini Sariosiyo tumani sport maktabi shugʻullanuvchisi Qizlarxon Isomiddinova munosib himoya qildi. U dunyo reytingidagi eng kuchli sportchilari bilan jang qilib, turkyalik raqibasini 2-1, gruzyalik raqibasini 2:0 hisobida yengdi.
Finalda esa meksikalik raqibiga 2:1 hisobda jangni boy berib, faxrli 2-o‘rinni qoʻlga kiritdi. Shuningdek, musobaqaning eng yaxshi sportchisi nominatsiyasini qoʻlga kiritdi.