Tashabbusi daromad keltirmoqda…

Sariosiyo maktab va bogʻchalarida boʻsh turgan yerlardan unumli foydalanilmoqda. Tuman Maktabgacha va maktab ta’limi bo‘limi tashabbusi bilan ta’lim muassasalarida bosqichma-bosqich issiqxonalar qurilib, bu yerda pomidor, bodring, kartoshka kabi qishloq xo‘jaligi mahsulotlari yetishtirilmoqda. Xususan, 1- va 35-sonli davlat maktabgacha ta’lim tashkilotlarida tashkil etilgan issiqxonalarda bugungi kunda hosil yig‘ilmoqda.
Shuningdek, 82-maktabda turli gullar parvarish qilinyapti. Bu ish nafaqat o‘quvchilarning dars jarayonida amaliyot bajarishlari uchun ajoyib imkoniyat yaratadi, balki maktabning iqtisodiy salohiyatini oshirib, yangi daromad manbai bo‘lib xizmat qiladi.