Termiz davlat pedagogika institutida xalqaro ta’lim standartlariga mos ravishda xorijiy tillarni oʻrgatish yoʻlga qoʻyilgan. Institutning nemis tili o‘qituvchilari Termiz hamda Angor tumanlaridagi politexnikumlarga tashrif buyurib, o‘quvchilarga nemis tilini intensiv o‘qitish bo‘yicha mahorat darslarini olib borishmoqda.
O‘quvchilarning barchasida xorijiy tilga bo‘lgan qiziqish juda yuqori bo‘lganligi uchun darslarga faol ishtirok etishayotir. Darslar haftada ikki kun — offlayn va onlayn tarzda olib borilmoqda. Bugungi shiddat ila rivojlanib borayotgan zaminimizda chet tillariga bo‘lgan ehtiyoj kun sayin yosh-u keksani birdek qiziqtirib kelmoqda.
O‘ylaymizki, ushbu maqsadli ta’lim yosh avlod uchun juda samarali hamda manfaatli bo‘ladi.
Adolat AXMEDOVA,
Termiz davlat pedagogika instituti o‘qituvchisi
