Bugungi kunda turmushda foydalaniladigan har qanday narsaning aniq oʻlchami bor. Albatta, oʻlchashda maxsus asbob-uskunalardan foydalanamiz. Oʻlchashlarni toʻgʻri amalga oshirish esa aniq hisob-kitoblarning muhim tarkibiy qismi hisoblanadi. Oʻlchashlar haqiqiy qiymatini aniqlash uchun oʻlchash vositasining oʻzi aniq va toʻgʻri qiymatlarni koʻrsatishi lozim.
“O‘zbekiston milliy metrologiya instituti” davlat muassasasi Surxondaryo filiali tomonidan davlat tashkilotlari va ishbilarmon tadbirkorlar uchun navbatdagi yana bir muhim qulaylik yoʻlga qoʻyildi. Metrologiya xizmati tamonidan o‘z faoliyati — vakolatlari doirasida Termostat va quritish shkaflarining harorat kamerasini kalibrlash laboratoriyasi ishlarini amalga oshirish imkoniyati yaratildi.
Bugungi kunda viloyatimiz miqyosida olib borilayotgan ushbu kalibrlash ishlari keng koʻlamli xizmat koʻrsatishni takomillashtirish va samaradorligni oshirish bo‘yicha imkoniyatlarni yaratmoqda.
Anvar CHARIYEV,
“O‘zbekiston milliy metrologiya instituti” DM Surxondaryo filiali bosh mutaxassisi
