Boshqa hududlarda boʻlgani kabi viloyatimizda ham tun-u kun faoliyat yurituvchi turizm ko‘chalari tashkil etilmoqda. Oʻz navbatida, bunday koʻchalar tadbirkorlar uchun qulay sharoitlar yaratish, savdo va xizmat ko‘rsatish sohalarini rivojlantirish orqali ish o‘rinlarini ko‘paytirish imkonini ham beradi.
Surxondaryo viloyati hokimi Ulug‘bek Qosimov Termiz shahrida barpo etilayotgan ana shunday “Yoshlar va turizm” ko‘chasining keyingi bosqichi doirasida olib borilayotgan qurilish-ta’mirlash ishlari bilan tanishdi.
Shundan so‘ng, “Tinchlik” mahallasi hududida joylashgan 1,2 kilometrlik kollektorni zamonaviy drenaj usulida yopish va hosil bo‘lgan maydonda savdo hamda servis obyektlarini barpo etish loyihasi o‘rganildi. Loyihani jadallashtirish, sizot suvlarining tuproq meliorativ holatiga salbiy ta’sir qilmasligini ta’minlash va qurilish ishlarini qisqa muddatlarda boshlash bo‘yicha mas’ullarga tegishli ko‘rsatmalar berildi.
