Shuningdek, Surxondaryo viloyati futbol akademiyasida amalga oshirilayotgan loyihalar, jumladan, yangi futbol maydonlari, yotoqxona va oshxona binosi hamda 1 200 o‘rinli tribuna qurilish jarayonlari bilan yaqindan tanishdi. Mutaxassis akademiyada olib borilayotgan ishlar jahon standartlariga to‘la javob berishini ta’kidladi.
Ayni kunlarda italiyalik futbol mutaxassisi Daniel Andreotzi Surxondaryo viloyatida boʻlib turibdi. Albatta, bu tashrif bejizga emas. Viloyatimizda futbol akademiyasini rivojlantirish va bolalar futbolini yangi bosqichga olib chiqish maqsad qilgan xorijlik mutaxassis surxondaryolik futbol murabbiylari va mutaxassislari bilan uchrashib, viloyatda futbolni rivojlantirish borasida fikr almashdi.
Bu yerda yaratilayotgan sharoitlar O‘zbekistondagi boshqa futbol akademiyalari uchun namuna bo‘lishi qayd etildi.
