“Kambag‘allikdan farovonlik sari”

Bandixon tumanida davlatimiz rahbari tomonidan ilgari surilgan “Kambag‘allikdan farovonlik sari” dasturi doirasida aholini ish bilan ta’minlash, aholi tomorqalaridan ekin ekib, daromad olish uchun barcha e’tibor tomorqaga qaratilgan. Tuman hududi asosan qishloq xo‘jaligiga ixtisoslashgan. Shu sababli bugun tomorqamizga ekin ekib daromad olishga barcha imkoniyatlar yaratilgan.
Tuman prokurori B.Toshpulatov tashabbusi bilan 2-sektor hududida “Bektepa” mahallasidagi ijtimoiy himoya reyestriga kiritilgan oilalarning daromad olishi uchun tomorqasiga 1,5 sotix issiqxona qurilib, har biriga 20 donadan limon ko‘chatlari va 250 donadan bulg‘or qalampiri ko‘chatlari ekildi. Ushbu oilalarning daromadini yanada oshirish maqsadida 25 donadan maxsus qo‘ziqorin urug‘lari joylashtirildi.