Imtiyozdan unumli foydalanib

Sho‘rchi tumani “Bobotog‘” mahallasidagi “Biznes klass gold” mas’uliyati cheklangan jamiyatida qolipli non mahsulotlari hamda 35 turdagi shirinliklar ishlab chiqarilmoqda. Kuniga 3-3,5 ming dona qolipli non tayyorlash quvvatiga ega korxonadagi ishlar ikki smenada yo‘lga qo‘yilgan.
— 8 kishi mehnat qilayotgan korxonamizda ishlab chiqarilayotgan mahsulotlar korxona va ijtimoiy muassasalarga yetkazib berilmoqda, — deydi jamiyati rahbari Go‘zal Bo‘riyeva. — Tadbirkorlik faoliyati bilan shug‘ullanayotganimga 20 yil bo‘ldi. Shu yillar davomida oilaviy daromadimizni oshirishga, ro‘zg‘orimizning obodligi uchun harakat qildim. Mahallamizdagi hokim yordamchisining tavsiyasi bilan olgan imtiyozli kreditlardan oqilona foydalanib, faoliyatimizni kengaytirdik. Shunga yarasha daromadimiz ham oshdi.
Albatta, imtiyozli kreditdan samarali foydalanish uchun aniq reja va maqsad bilan amalga oshiriladigan ishlar o‘z natijasini beradi.