Taklif-u muammolar o‘rganildi

Surxondaryo viloyati hokimi Ulug‘bek Qosimov yoshlarning taklif va muammolarini o‘rganish maqsadida Bandixon tumani hokimligi majlislar zalida “Hokim va yoshlar” uchrashuvida ishtirok etdi. Unda shahar va tumanlar studiyalari orqali yoshlarning qiziqtirgan masalalari, o‘ylantirayotgan muammolari tinglanib, hal etish yuzasidan mutasaddilarga vazifalar belgilab berildi.
Iqtidorli yigit-qizlar tomonidan o‘rtaga tashlangan qator taklif va tashabbuslar ham qo‘llab-quvvatlanib, amalga oshirish yuzasidan chora-tadbirlar belgilandi.
Uchrashuv so‘ngida “Surxondaryo viloyati hokimi — viloyat Shaxmat federatsiyasi raisi kubogi” uchun o‘tkazilgan musobaqa g‘oliblariga qimmatbaho sovg‘alar topshirildi.