Rejalar katta, daromad bisyor

Qay bir ishga ishtiyoqingiz bo‘lsa, u bilan shug‘ullanib, muvaffaqiyatga erishish oson kechadi. Bunda o‘tgan vaqtingizga achinmaysiz, ishga esa qunt bilan kirishasiz. Sho‘rchilik Avaz Hakimov ham o‘zini chorvachilikda sinab ko‘rishga hech ikkilanmadi. Bir necha yil avval bankdan 33 million so‘m imtiyozli kredit olib, chorvachilik bilan shug‘ullanishni boshladi.
— Chorvachilik bilan shug‘ullanish uchun dastlab 4 bosh qora mol olgandim, — deydi Avaz Hakimov. — Kreditni o‘z vaqtida to‘lab, o‘tgan yili yana 50 million so‘m kredit olib, yirik shoxli qoramollarimizni 20 boshga yetkazdik. Chorva mollarini boqayotgan maxsus xonalarimiz ham kengaydi. Maqsadim ro‘zg‘orimizni obodligi uchun harakat qilish va chorvachilikni rivojlantirishdir.
Albatta, inson astoydil harakat qilsa, mehnat qilsa, maqsadiga erishadi.