Zamonaviy suv inshooti bunyod etilmoqda

Bandixon tumanining har qadamida kundan-kunga o‘zgarishlar, yangilanishlar bo‘y cho‘zmoqda. Shular qatori, tumanning “Birdamlik” mahallasi hududidan yangidan suv sotish inshooti qurilmoqda. Ushbu inshootdan zamonaviy qurilmalar orqali suv olish va suv uchun barcha turdagi to‘lovlar, jumladan, onlayn to‘lash imkoniyatlari yaratiladi.
Tuman hokimi Abdumalik Allamuradov, viloyat “Suv ta’minoti” AJ direktori A.Mamatqulov hamda tegishli mas’ullar ishtirokida ushbu inshootda amalga oshirilayotgan qurilish ishlari ko‘zdan kechirildi. Tuman hokimi tomonidan jarayon ko‘zdan kechirilib, kamchiliklar ko‘rsatib o‘tildi. Mas’ullarga kamchiliklarni tez fursatlarda bartaraf etish bo‘yicha topshiriqlar berildi.