Homiylik yordami ko‘rsatildi

Farzandlarimizning har tomonlama kamol topishi, bilim olishi, o‘qib o‘rganishi uchun munosib shart-sharoit yaratishga harakat qilamiz. Ammo hamma ham bunday imkoniyatni ro‘yobga chiqara olmasligi mumkin. Ana shunday paytda O‘zbekiston Respublikasi Prezidentining 2024-yil 23-sentyabrdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi 330-sonli qarori talabiga bajarish maqsadida rahbarlar ko‘makka kelishadi.
Ushbu qarorga binoan, Sariosiyo tuman prokurori o‘rinbosari F.Mamadaliyev ham o‘ziga biriktirilgan tumanning “Bo‘yrapusht” mahallasida istiqomat qiluvchi ijtimoiy reyestridagi oilalar bilan olib borilayotgan ishlar ahvolini o‘rgandi. O‘rganish davomida, ikkita oilaga o‘quv jihozlari yetkazib berib, ularning maktab yoshidagi farzandlariga uyda dars tayyorlashlari uchun qulayliklar yaratishga o‘z hissasini qo‘shdi.
Endi bir tasavvur qilaylik, bunday e’tibor va g‘amxo‘rlikdan ta’sirlangan, mamnun bo‘lgan bolalarning javobi qanday bo‘ladi. Ular bildirilgan ishonchni oqlab, kelajakda orzu qilganimizdek, kadrlar bo‘lish shakllanishishsa, ajab emas.