Xitoy tajribasiga tayanib…

Kambag‘allikni qisqartirish, aholi turmush tarzini yaxshilashga, hayotini farovonlashtirishga xizmat qiladi. Bu yo‘lda puxta oylangan, muvaffaqiyatga erishilgan yo‘lni tanlash, xalqaro tajribalarga tayanish yaxshi samara beradi. Yurtimizda kambag‘allikni qisqartirishda Xitoy tajribasini joriy etish imkoniyatlari yuzasidan Boysun tumanidagi “Inkobod”, “Bibishirin”, “Tuzbozor” “Mustaqillik” hamda “Sayrob” mahallalari respublika ishchi guruhi tomonidan o‘rganildi.
O‘rganish natijasida yuqoridagi mahallalarda tashkil qilinadigan yangi turizm xizmatlari, gastronomik turizm, agroturizm, hunarmandchilik, ot ulovlarida sayr, gid hamroh xizmatlari, turizmga taalluqli boshqa xizmatlar, o‘quv kurslari tashkil etish, oilaviy mehmon uylarini tashkil etish, turizm sohasida biznes yuritish ko‘nikmasi, sayyohlarni kutib olish ko‘nikmasini oshirish, mehmon uylari, o‘tovli oromgoh, chodirlar, tashkil etiladigan mavsumiy kemping hududlar, o‘tkaziladigan madaniy ko‘ngilochar tadbirlar tashkil etish natijasida yangi ish o‘rinlarini tashkil etish belgilab olindi.
Shuningdek, “Sayrob” mahallasiga “Turizm qishlog‘i” maqomini berish yuzasidan tegishli o‘rganish olib borildi.