24/7 soat rejimida…

Har doim ham uzoq yo‘lga otlanayotib, mashinamiz pand berib qolsa, kun-u tun faoliyat yuritayotgan mashinalarga texnik xizmat qiladigan nuqtalarni topa olmay qolishimiz haqiqat. Shuningdek, ichimlik suvi yoki boshqa maishiy xizmat nuqtalarini toppish ham amrimahol.
Uzun tumani “Yangi kuch” MFYda turizm salohiyatini rivojlantirish, mahalliy tadbirkorlar, aholi hamda keladigan mehmonlarga xizmat ko‘rsatishga ixtisoslashtiriladigan ko‘cha faoliyatini yo‘lga qo‘yish yuzasidan hudud master-rejasi ishlab chiqildi.
Hudud qiyofasini yaxshilash, tijorat, savdo va maishiy servis xizmatlarini tashkil etish ko‘zda tutilgan bu ko‘chada 24/7 soat rejimida tun-u kun faoliyat yuritish mo‘ljallangan.
Uzun tuman hokimi Xabibulla Bozorov shu borada amalga oshirilayotgan ishlar bilan tanishdi. Mazkur ko‘chada birlamchi zarur infratuzilmani shay qilish, yoritish ustunlari, o‘rindiqlar va chiqindi qutilarini joylashtirish, manzarali daraxt ko‘chatlari o‘tqazish, piyodalar yo‘laklari, veloyo‘laklar kabi ishlar olib borilmoqda.